Non o di unha organización de ecoloxistas, nen sequera un estudio de Nacións Unidas. Podédelo comprobar na revista do

Fondo Monetario Internacional FMI "Finanzas y Desarrollo".

http://www.imf.org/external/pubs/ft/fandd/spa/2008/03/pdf/picture.pdf

Seguirá medrando o consumo do carbón , do petroleo e do Gas, representarán o 83% do consumo de enerxia mundial no 2030 . Coa tendencia actual China e India incorporaranse ao clube de grandes consumidores de Enerxia, sendo responsables de mais do 40% do aumento mundial do uso da mesma. Entre a Unión Europea e EEUU eramos responsables do 53 % das emisións de CO2 . China so un 8 % e a India un 2% pero no 2030 un 60 % do aumento de emisións será responsabilidade de India e China.

 

Por outras fontes sabemos que no mercado do petrolero, a demanda de China, India e Oriente Medio representou mais do 56% do crecemento do consumo de petróleo no 2001–07. Neste crecemento o mais salientable é o crecente número de propietarios de vehículos relacionado co aumento do ingreso per cápita. As vendas de automóbiles en China, por exemplo, quintuplicaronse no 2001–07. E no 2016 superará aos EEUU como maior mercado mundial de automóbiles.

Necesitamos un cambio radical nas políticas de consumo enerxético e un cambio cara ao trasporte público. ¿ Temos un transporte público racional nos nosos pobos e cidades?

 

XORNADA DE FOMENTO DO COOPERATIVISMO NA DISTRIBUCION E CONSUMO ECOLOXICO EN GZ.

 

Monforte de Lemos, 4 de Maio de 2008

 

RESUMO DAS CONCLUSIONS

 

Unha vez celebrada a Xornada desde a Federación de Cooperativas SINERXIA como organización promotora da mesma facemos constar as conclusións da mesma, tendo en conta as actividades realizadas e as opinións expostas nas mesmas :

 

DIAGNOSTICO	OBXECTIVOS	ACCIONS
Insuficiente comunicación entre produtoras; entre consumidoras e entre ambos	Procurar obxectivos comúns superadores das diferenzas de intereses Fomentar e incrementar as relacións para presentar posicións conxuntas ante a Administración Pública	Establecemento e aplicación dunha programación conxunta e estábel de actividades (xornadas; foros; proxectos; ...) entre produtoras e consumidoras ecolóxicas (Ano 2008).   Divulgación dun calendário de colleitas e receitas ecolóxicas (Ano 2008).   Convocatoria de reunión entre organizacións de produtoras e consumidoras ecolóxicas para definir posicións comúns a respecto do Plano de Fomento da Agricultura Ecolóxica da Xunta de GZ (2008-2013), e achegar dito posicionamento á Consellaria de Medio Rural e Vicepresidencia (Maio 08).
Insuficiente coñecemento e visibildade social da produción ecolóxica e o consumo consciente, do seu significado e das súas potencialidades para a transformación da sociedade.       Percepción social do consumo ecolóxico como elitista e de prezos altos.   O sector do consumo ecolóxico está en crecemento en GZ.	Promover fórmulas colectivas de natureza democrática para organizar a produción ecolóxica e o consumo consciente Aumentar a visibilidade social das organizacións de consumo consciente e produción ecolóxica. Aproveitar en común e adaptar as ferramentas divulgativas existentes sobre consumo consciente. Reforzar a vertente ideolóxica do consumo como medio de transformación social. Denunciar e presionar para que a produción ecolóxica non teña sobre custos.	Organización dunha xornada para a posta en común de materiais didácticos sobre consumo consciente (2008).   Coordinación conxunta para a organización e/ou asistencia a eventos promocionais, divulgativos do consumo e a produción ecolóxica.   Creación dunha organización representativa galega das organizacións de consumo ecolóxico no ámbito da economia social e solidaria, para a defensa dos intereses do sector (2008).   Solicitude de apoio ás Administracións Públicas para o desenvolvemento de actividades de divulgación do consumo, produción e distribución ecolóxica (2008).   Definición de actividades e colaboración directa con grupos afíns como organizacións de comercio xusto, organizacións ecoloxistas (2008).   Promoción de novos grupos de consumo consciente e fomento do traballo conxunto entre estes.
Insuficiente coñecemento e visibilidade social das fórmulas organizativas de economia social como ferramentas de desenvolvemento para a produción, a distribución e o consumo consciente.   A formula cooperativa tendo en conta a súa natureza democrática, colectiva e preocupada polo contorno local como acaida para potenciar a produción e o consumo ecolóxico.	Achegar a economia social e solidária aos movementos sociais Reforzar a vertente ideolóxica da fórmula cooperativa como ferramenta de transformación social.	Elaboración e implementación unha programación de actividades para a promoción do cooperativismo no ámbito do consumo, a distribución e a produción ecolóxico nos Concellos, ao abeiro das axudas da Xunta de GZ para tal fin (2009).   Definición de actividades e colaboración coas asociacións de cooperativas (2008).   Definición de actividades e colaboración directa con grupos afíns como organizacións de comercio xusto, organizacións ecoloxistas (2008).
Insuficiente desenvolvemento das canles de distribución.     Alta presenza de distribuidoras convencionais con critérios non éticos de funcionamento.   Falta de profesionalización no ámbito da distribución e o consumo ecolóxico.	Analisar, deseñar e implementar o canal de distribución para a produción e consumo ecolóxico baixo criterios e fórmulas organizativas éticas. Potenciar e divulgar critérios éticos nos procesos de distribución e consumo ecolóxicos.	Necesidade urxente de concretar unha estratéxia organizativa de distribución da produción e o consumo ecolóxico en GZ baixo critérios éticos (por exemplo, garantia da soberania alimentária; pagamento de prezos xustos ás produtoras; promover o desenvolvemento local; achegar valora engadido aos produtos; promoción das relacións de xénero; garantir a certificación dos produtos en orixe; xeréncia e profesionalidade; circuitos curtos;...)
Escasa interlocución coa Administración Pública do sector de consumo ecolóxico	Participar de forma conxunta no desenvolvemento do Plano de Agricultura Ecolóxica de GZ (produtoras; transformadoras e consumidoras). Crear organizacións representativas no ámbito do consumo ecolóxico e temporalizar a súa creación Contactar con colectivos afins para a conformación de ditas organizacións / redes conxuntas.	Convocatória dunha reunión de produtoras; transformadoras e consumidoras ecolóxicas para consensuar propostas comúns para o desenvolvemento de liñas do Plano de Agricultura Ecolóxica de GZ (Maio 2008).   Solicitude dunha entrevista coas Consellarias responsábeis para expór as demandas do sector. Colaboración de SINERXIA e APEGA para actuar como interlocutoras (Maio 2008)   Procura na consolidación do traballo da Rede Galega de Consumo Consciente (2008).   Presentación dunha proposta para o debate e a constitución dunha organización galega representativa do consumo ecolóxico de organizacións de economia social e solidária. Definición o tipo de entidades a integrar (p.e. as loxas tamén?) (2008).

 

 

 

 

Representantes da Plataforma Galega Antitransxénicos reuníronse con

Alfredo Suárez Canal -conselleiro do Medio Rural- o pasado 18 de abril.

O motivo desta xuntanza foi coñecer o posicionamento claro da Xunta de Galiza

perante da declaración de Galiza como zona libre de transxénicos (ZLT), así como testa-la

actitude do Goberno galego perante da problemática da introducción de organismos

modificados xenéticamente no agro galego.

Neste encontro, a PGA vén de constatar a total falta de compromiso da

consellaría pra acada-la declaración de Galiza como ZLT, así coma para apoiar

inicativas de cara a frear a entrada de organismos modificados xenéticamente (OXM´s) na

Galiza.

Así, tras afirmar que non se comprometería a dar un posicionamento

público da consellaría con respecto aos transxénicos, Suárez Canal transmitíu que

non haberá listaxes de consulta pública que rexistren que empresas están

vendendo productos transxénicos (lembremos que o etiquetado só é obrigatorio

cando acada un 0,9% de presencia de OXM´s, e non é obrigatorio cando o compoñente

transxénico se atopaba na alimentación do animal do que se extraíu o producto).

A carencia desta información contradice os dereitos d@s consumidores/as, e

imposibilitará que @s labregos e labregas poidan detectar que plantacións modificadas

xenéticamente existen preto do seus cultivos. Existe, ademáis, especial perigosidade para

aqueles que contan arestora coa calificación de ecolóxicos, marca de calidade que semella

querer ser impulsada pela Xunta de Galiza, malia estar a obviar a protección perante

dunha das maiores ameazas: os contaxio por cultivos transxénicos.

Segundo Suárez Canal, a negativa a publicita-la localización exacta dos cultivos

alterados xenéticamente, responde a un principio de protección cara estas multinacionais

da alimentación.

Nota de prensa da Plataforma Galega Antitransxénicos

Asumimos, polo tanto, que a Consellaría do Medio Rural é consciente do

rexeitamento social maioritario que hai cara os transxénicos.

Por outra banda, a falla de compromiso da Administración galega reflíctese tamén

nos eidos da súa máis directa responsabilidade: a Consellaría desestimou a

posibilidade apuntada pela PGA de que a Administración elimine os OXM´s

alomenos nos servizos alimentarios que se atopan baixo a súa

responsabilidade directa, como é o caso dos comedores dos centros educativos,

hospitais, etc.

Á actitude mostrada por Medio Rural haberemos de suma-la falta de resposta das

consellarías de Sanidade e Medio Ambiente, coas cales a PGA solicitou iniciar contactos fai

xa unha semana, non habendo resposta por parte de devantitos organismos até este

momento.

Porén, perante da pasividade, e mesmo permisividade, mostrada pela

Administración ao respecto da contaminación transxénica do noso agro, a Plataforma

Galega Antitransxénicos inicia nesta semana unha campaña de envíos

masivos de mocións aos grupos de goberno de tódolos concellos de Galiza

solicitando a declaración coma zona libre de transxénicos de cada unha de

estas unidades territoriais, na procura da declaración ZLT para a maior

superficie posíbel do País.

Asemade, aproveitamos este contacto para transmitirmos os nosos parabéns a os

concellos d´ O Irixo (25 abril) e O Carballiño (----), declarados recentemente zonas

libres de transxénicos (ZLT), sendo ademáis, no caso d´O Irixo, unha iniciativa aprobada

por tódolos partidos políticos. Canda Lalín (4 de marzo), son xa tres os concellos da

Galiza que acadaron a declaración de zona libre de transxénicos.

Moitas grazas pela súa atención

Atoparán máis información en:

Xornada de Fomento do Cooperativismo na Distribución e no Consumo Ecolóxico en Galiza.En Monforte

 

Organiza a Federación de Cooperativas Sinerxia.

Coincidindo coa I Mostra Agroecolóxica que se celebrará en Monforte de Lemos os días 3 e 4 de Maio organízanse unha serie de actividades paralelas. A Xornada de Fomento será o día 4 de Maio

 

A actividade desenvolverase no Colexio Nosa Señora da Antiga en horario de 9:30 a 20:00 horas.

Programa:

Sesión Matinal : O Cooperativismo de Consumo e redes de cooperación no ámbito do consumo ecolóxico (9.30 –14.00 horas) 9.30 horas / Recepción das asistentes 9.45 horas / Presentación da xornada

10.00 horas / Relatorio Marco : A cooperativa como fórmula para organizar o consumo.

Manuel Rivera Iglesias – AES BRIANTE

10.45 horas / Experiencias de cooperativas e redes de cooperación de consumo ecolóxico.

A Xoaninha, S.Coop.Galega Coordinadora Estatal de Cooperativas y Asociaciones de Consumo Ecológico

12.00 horas Pausa – Café

12.30 horas / Debate - taller sobre aplicación de estratexias de cooperación das organizacións de consumo ecolóxico en GZ

Coordina - Dinamiza : Ana Rosa Lorenzo Vila - SINERXIA

14.00 horas / Remate sesión matinal

Sesión Vespertina : Estratexias de cooperación no ámbito da distribución de produtos ecolóxicos galegos. (16.30-20.00 h)

16.30 horas / Presentación de experiencias de cooperativas e redes de cooperación no ámbito da distribución de produtos ecolóxicos.

Mon Verd, SCCL

17.30 h / Pausa – Café

18.00 h / Debate-taller sobre aplicación de estratexias de cooperación na distribución de produtos ecolóxicos en Galiza

Coordina / Dinamiza : Ramón Carmelo Rodríguez Padín – SINERXIA. 20.00 h / Remate da xornada

 

As xornadas están abertas a tódolas persoas e organizacións interesadas neste temática con especial fincapé nas cooperativas, asociacións de consumidoras/es, centros educativos, asociacións veciñais, produtoras/es ecolóxicas/os, tendas, departamentos de promoción económica dos concellos, transformadoras/es e distribuidoras/es de produtos ecolóxicos. A participación é gratuita pero prégase inscrición previa ó 28 de abril. Poden consultar máis información na web: www.consumocooperativo.org e no teléfono 986 896 526.

Para máis información de SINERXIA visitar http://www.sinerxia.org/directorio/index.html.